《声生不息》最近成日被吐槽

实在玩唔出咩花臣了

开始从“旁门左道”汲取流量

明明係个音乐综艺

热搜就变得奇奇怪怪

还好，

帮唱嘉宾始终係大家嘅兴趣点

特别係终于见到

Color个friend糖妹现身

从网传名单开始

大家就期待值好高

官宣海报发出时

更係引发大家热烈讨论

但略显遗憾嘅係

糖妹在正片入面

只有同安崎、GiGi嘅合作舞台

虽然三人嘅舞台的确几精彩

声音够晒有穿透力

但相比起之前

被人质疑唱功嘅王源弟弟

除咗有份同Chilam合唱

都仲有一个个人舞台

“来又如风，离又如风”

而久未有唱歌舞台嘅糖妹

仅仅得三分之一首歌的展示

令到粉丝有啲啲失望咯

有网友就期待节目最后

可以叫晒全部帮唱嘉宾返场

到时dream一个《冲上云霄》

cool魔+糖妹嘅“兄妹”同台

除咗甜到漏嘅糖妹之外

呢期节目都仲有谭校长

做资深帮唱嘉宾

奇怪嘅係呢位宝丽金实力唱将开唱

成个舞台嘅音效竟然变到好“薄”

完全冇晒“大型音乐综艺”嘅气势

细心少少嘅观众就发现啦~

谭校长其实冇喺“现场”

佢嘅live係喺其他地方录制

之后“嫁接”到成片上的

因为两边嘅音响品质有参差

录完之后估计又冇统一调音修片

所以搞到堂堂谭校长嘅舞台音效

仲弱过其他晚辈嘅感觉

期期都有话题嘅李健

今次搭档“爆炸头”曾比特

佢哋拣咗阿姐嘅

《万水千山总是情》嚟唱

本来就係一首

满满港式情怀嘅经典

Mike好用心咁提前

教咗李老师应该点样发音

当大家以为李老师“良心发现”

愿意用粤语唱晒成首作品

……嘅时候……

最后佢仲係普通话唱咗一句

“万水千山总是情”

係对国语嘅执念

定係佢专登设计嘅情节？

今次大家反而冇太多关注

大家反而留意到

佢喺后台教Mike拉筋嘅画面

。

。

。

节目风格越发诡异搞笑

出圈话题渐渐偏离音乐

正如我哋成日话：

关注艺人私生活，

不如多关注佢哋嘅作品

作为音乐综艺节目，

係咪也应该回到爱港乐嘅初衷？