最近有网友见到

陈妙瑛&欧阳震华一起

现身中山嘅某个大型楼盘

疑似要买楼咁啵

近几年

欧阳Bobby虽然好少露面

但都有啲“伙计剧”、网络大电影

电视上又穿插佢代言嘅牙膏广告

算係个依然活跃嘅老面孔

而陈妙瑛就真係销声匿迹多时

唔认真谂下

都唔记得佢上一部戏

係几时嘅事了

but见到Bobby同妙瑛同框

以前佢哋演CP嘅回忆

一下子全部翻晒嚟

Bobby当年仲係TVB嘅当红小生

因为不停搭档当红花旦

被誉为“花王”

佢同陈妙瑛最经典嘅

就係喺《缉私群英》里面

饰演“欢喜冤家”嘅情节

扮“海关督察”的Bobby

同“老翻商家”陈妙瑛

由相识到最后相爱

有sweet又有麻烦事

睇到大家好肉紧

之后佢哋仲合作咗《洗冤录》

又係一开始狗咬狗骨

后面双宿双栖嘅设定

Bobby&陈妙瑛

成咗好多网友

心目中嘅荧屏最佳拍档

不过陈妙瑛喺搭档向海岚

拍完《无头东宫》之后

就正式息影转行做商人

好多人都唔舍得佢噶

唔做演员之后嘅陈妙瑛

生意可以话做到风生水起

而“最佳拍档”欧阳震华

私底下都成日同佢keep touch嘅

喺一啲采访中

Bobby仲会攞翻妙瑛啲得意嘢

调侃一下佢嘅过去

例如话佢成日都好“腾鸡”

怕自己个妆容唔完美

休息两个钟就会补妆2小时

睇得出佢係真·贪靓敬业啰

虽然陈妙瑛唔公开露面

但偶尔佢都会出席艺人聚会

同圈中好朋友 gathering一下

仪式感满满嘅佢哋

甚至为纪念参选港姐年

一起戴上选美嘅皇冠

靓靓咁影合照

虽然妙瑛已经唔再係“明星”

但佢保养得好好

形象一啲都唔输艺人噶

见到佢状态大勇

网友都表示

好希望再见到佢拍电视哦